人與狗

沒有最核突，只有更核突。
「點解要為一隻狗」
上星期看到一單大陸新聞，都係果D邪惡到睇完完全唔想記果D，一個13歲，或更細女仔，因為意外整傷一個幾歲細路女，為怕要父母賠錢，於是整死埋佢唔使煩。
我好驚，有一日我唔小心係地鐵跣親，話唔埋佢地順便車死埋我唔使賠湯藥費。
點解地鐵係咁畀人插無力還手？如果佢地一向做野有骨氣有準則有某種公義，咁就可以大大聲講返佢地既理由。員工的行徑是公司文化的縮影，從這些員工這種腐化比老細更官僚的反應，可想而知，他們平時怎樣被對待。
其實毒瘤豈止在地鐵？已生滿香港。
點解，香港個個政府部門係咁畀人插都一樣死狗咁？同樣因為，有D野，佢地唔敢講真話。
單是，一部份大陸人隨街屙屎屙尿唔衛生，政府有幾多個高官夠膽出聲講句公道話，講句人話？我剩係記得高永文講話咁樣唔衛生，呢D小學生都明白既真話，要講好難咩？唔算人身攻擊wor。
警察在遊行數目上講大話；個個部門都好似有鬼咁，使幾十億起D中港融合大笨象，全民退保就話會拖冧個政府，咁都要處理架？唔理唔係一個方法。我地日日都見到80幾歲老人家執紙皮，你咪同我講佢係為興趣啦，有興趣你地自己去執啦。
尋日在地鐵，一個女人拖住兩個仔，細仔坐我隔離，於是女人拖住大仔企係我前面。他們是中國人樣，可是講英文，間中滲一兩句國語，英文講得好正，講返教堂，講崇拜。到我要下車，女人一見我要下車，全身姿態好緊張，馬上同個仔講叫佢坐，可是，因為她太緊張要霸實個位，她母子二人就封死了我出路。我心即刻爆：8婆，你要坐都要畀條生路我行下先至得架，我出唔到去你個仔個屎忽邊有得坐。並且，小人住市中心，佢地再去邊，都不過15分鐘車程，你一家不是傷殘，坐少15分鐘無野呀？我只是感到，他們講乜話，係邊度住過，都未脫他們心中的那種饑餓，那種慌死餂底的饑餓。
我反思一下，我都是來自草根家庭，自幼都算家貧，細路哥窮個心係知的，於是出去食飯唔敢話要叫貴野，有時有好野食就大啖食，超餓咁。就是這種，一有得食就窮凶極惡的食相，充斥現代中國文化。這些可以明白，可是，香港這個就算極為現實講錢講效率的城市，都承載不了整個中國的餓與貪，這個沒有人不明白。即係，我地而家要等畀大陸殖民淘汰我地？窮的香港人就死開，咁又點解香港人會越來越窮？
不是不讚成中港融合，我甚至相信健康的中港融合對年青人好，可是，唔係呢隻夾硬來囉。
即是，我見到陳樂基在《中國好聲音》被大讚，好開心，小朋友多D出路，雖然我對這些節目那些極度亢奮的表現感到核突，不過，發展中國家的人民就是要這種先民《春之祭》式的雜交祭神式高潮。人地評判話香港樂壇好有希望，我聽到好心酸，點解我地香港人都無咁覺得香港樂壇有希望。
Anyway，我希望，地鐵中遇上的小孩，和他們的母親，有一天明白，他們現在要的不是爭，他們不會餓死，他們是時候學多點顧卹他人，也希望他們教會有教化他們的人。
事到如今，不祈禱還有乜能野好做？
神啊，雖然我講粗口，雖然我好耐無祈禱，不過，我是誠心的。
神啊，求你保守地鐵員工，叫他們不要被頑昧的機構文化愚昧，變得更邪惡。神啊，求你給香港高官智慧勇氣，懂得講真話。神啊，求你叫習近平，原來做咁多野，是好像台灣李登輝一樣，把異己一一剷除後，最終是想給中國一個開明的統治。（會有這個可能嗎？）
誠心所願。