我好激？

為免勞氣，我都儘量唔睇新聞架啦。誰不知，中共喜歡鬧劇多過激情悲壯暴力片，正好符合國情。還要是低俗喜劇，唔知果位一代影評人賈選凝小姐有乜睇法，呢D個故仔一定合你法眼啦。
在茶餐廳食晚飯，很多人都轉過頭去看新聞，我都係費事睇。好啦，政治已經不能逃出我們的餐桌，細佬話，在溫哥華D大陸人同佢講，你地D香港人仲舉英國旗，你地想英國統治咩？定係想香港獨立。據我細佬講呢D係共產黨陰謀，香港無D咁既人。
即係咁，而家香港就好似清末民初，人人都有一個不同看法，即是康有為主張的君主立憲，今日看來其實也有道理，當年就看來太和理非非。
好，我細佬鬧左我起碼10分鐘，認為我認為佢對這件事沒有發言權是鄙視佢。好，不過佢連黃之鋒係邊個都唔係好知，我地有乜野討論基礎呢？佢連龍獅旗係乜都未知。Anyway，我想講，係呀，戀殖同港獨都是現今的一種狀態，就算大陸人問又點？有罪咩？犯法咩？香港有人係咁諗，你無咁諗唔代表無人咁諗，講埋出口都不是犯法的。
最可悲的是，連有乜野可以講的權都未知，講下都犯法？唔係呀？我地有叫：「習近平仆街」，「打倒共產黨」的自由，你地到底明唔明？
我好激？唔係呀嗎？